FELIX NATIVITAS ET FINIS ANNI! GAUDETE!

Gaudete! Gaudete!

Christus est natus ex Maria virgine.

Gaudete!
Gaudete! Gaudete!

Christus est natus ex Maria virgine.

Gaudete!

Tempus adest gratiae, hoc quod optabamus;
carmina laetitiae devote redamus.

Gaudete! Gaudete!

Christus est natus ex Maria virgine.

Gaudete!
Gaudete! Gaudete!

Christus est natus ex Maria virgine.

Gaudete!

Deus homo factus est, natura mirante;
mundus renovatus est, a Christo regnante.

Gaudete! Gaudete!

Christus est natus ex Maria virgine.

Gaudete!
Gaudete! Gaudete!

Christus est natus ex Maria virgine.

Gaudete!

Ezechiellis porta clausa pertransitur;
unde lux est orta, salus invenitur.

Gaudete! Gaudete!

Christus est natus ex Maria virgine.

Gaudete!
Gaudete! Gaudete!

Christus est natus ex Maria virgine.

Gaudete!

Ergo nostra concito psallat iam in lustro;
benedicat domino: salus regi nostro.

Gaudete! Gaudete!

Christus est natus ex Maria virgine.

Gaudete!
Gaudete! Gaudete!

Christus est natus ex Maria virgine.

Gaudete!

 

CUESTIÓNS TEÓRICAS - TEMA 5 - 4ºESO

A relixión romana, antes da extensión do cristianismo, carecía de principios morais elevados. O home romano era politeísta, supersticioso ata límites extremos e baseaba a súa relación cos deuses no temor.

Ímonos achegar ao mundo relixioso romano, cos seus cultos e as divindades máis representativas.

Picade na sección "4ºESO" e atoperedes as cuestións ás que debedes dar resposta. Ademais, na sección "VÍDEOS" poderedes ver un documental sobre o tema.

CUESTIÓNS TEÓRICAS - TEMA 4 - 4ºESO

Na UNITAS 4 do libro de texto imos traballar con cuestións relacionadas co exército romano, o instrumento do que Roma se serviu para conquistar primeiro e manter despois un imperio que abrangueu extensións territorios. 

Non sempre estivo ao mesmo nivel nin dominou en todo momento a técnica bélica, proba diso foron as diferentes derrotas que sufriu ao longo da súa historia. Con todo, tivo a gran virtude de non considerar nunca a derrota nunha batalla como a derrota total da guerra e, ademais, soubo aproveitar a experiencia para mellorar as técnicas e conseguir ser o poderoso exército que mantería unido durante varios séculos o Imperio Romano.

Na sección "4ºESO" tedes as cuestións ás que deberedes dar resposta e na sección "VÍDEOS" podedes visionar algunhas recreacións relacionadas co tema.

CUESTIÓNS TEÓRICAS - TEMA 15 - 2ºBACHARELATO

Estamos a traballar estes días o tema da épica latina, un xénero literario que xorde da admiración que o poeta sente ante personaxes de influencia colectiva.

Como exemplo deste xénero, analizaremos A Eneida, do poeta Virxilio, considerada a epopea nacional de Roma.

Se picades no seguinte enlace, veredes na sección de 2ºBacharelato uns vídeos co resumo do argumento dos doce cantos que compoñen esta obra.

A ENEIDA, de Virxilio  

 

TRABALLOS - LATÍN I - 1ºBACHARELATO - 2ªAVALIACIÓN

Rematamos  o primeiro trimestre do curso e toca comezar agora co segundo, no que teredes que elaborar unhas exposicións teóricas sobre aspectos relacionados coa organización política e social de Roma, coa construción das cidades e vivendas romanas, e sobre a familia romana, a educación e o ocio.

Individualmente, ademais, volveredes a realizar exposicións individuais sobre un relato do libro das Metamorfoses de Ovidio.

Se picades no seguinte enlace, accederedes directamente á páxina de 1ºBacharelato onde aparecen os guións do traballo común e os títulos a escoller para o traballo individual.

TRABALLOS - 2ªAvaliación 

 

MITOS E LENDAS

"Mitos y Leyendas" é unha adaptación libre dos mitos clásicos que pretende introducir ao gran público no fascinante mundo da mitoloxía grecolatina.

Este programa, que se emite os domingos pola noite en La 2 de Televisión Española, consta dunha serie de 13 capítulos nos que se están a recrear mitos como os de Ulises, Aquiles, Hércules, Eneas ou Electra e que vos poden axudar a entender os códigos do mundo mítico da man de expertos filólogos, filósofos e actores.

Aquí vos deixo o enlace para que poidades acceder á páxina web do programa, onde atoparedes as recreacións deses mitos clásicos:

Programa - MITOS Y LEYENDAS 

Velaquí algúns exemplos...

DÉDALO: A creatividade

Mitos y leyendas - Dédalo

• Mitos y leyendas - Dédalo

ORFEO: O poder da palabra e da música

Mitos y leyendas - Orfeo

• Mitos y leyendas - Orfeo
•  
•  
•  
•  
•  
•  
•  

EXPOSICIÓNS I (Metamorfoses, de Ovidio)

Poucas historias espertan emocións tan intentas como as dos mitos clásicos. Coa súa extraordinaria beleza e a súa admirable lucidez, as lendas grecolatinas póñennos en contacto con verdades eternas e expresan á perfección as nosas esperanzas, debilidades e ambicións.
Todas esas lendas, e moitas outras, foron narradas por Ovidio nas Metamorfoses, un libro que marabillou aos romanos da antigüidade e que deixou unha fonda pegada na cultura de Occidente.

Coas súas ironías e as súas traxedias, as súas ninfas esquivas e os seus reis atroces, os seus tolos amores e os seus abraios sen fin, as Metamorfoses aparécensenos como un retablo da vida humana que reflicte moi ben os que somos: xoguetes do destino enfrontados a un mundo cambiante, fráxiles criaturas escravizadas pola paixón, seres que buscan a felicidade nun camiño cheo de sombras.

Os alumnos de Latín de 1º de Bacharelato escolleron algún dos relatos desa obra e aquí volos presentan...

O DILUVIO
(por Alejandro Loureiro González)

O DILUVIO from lupemm

FAETÓN E O CARRO DO SOL
(por Laura Martínez Carrodeguas)

FAETÓN E O CARRO DO SOL from lupemm
 

LA VACA ERRANTE 
(por Andrea Camba Mirás)

LA VACA ERRANTE from lupemm



APOLO Y DAFNE
(por María Corral Santiveri) 
  

APOLO Y DAFNE from lupemm

 

VERBORUM NUBES (nubes de palabras)

Unha NUBE DE PALABRAS é unha representación visual das palabras que conforman un texto, onde o tamaño é maior para as palabras que aparecen con máis frecuencia.

Anímovos, imitando as que se vos presentan a continuación que xa percorren a rede, froito do traballo de alumnos de Cultura Clásica e de Latín doutros colexios, a que fagades algo semellante empregando as expresións e o vocabulario latino co que estades a traballar ao longo deste curso.

CUPIDO

CORONA

 AMOR

STELLA

TRIFOLIUM

NUBES

CUESTIÓNS TEÓRICAS - TEMA 3 - 4ºESO

Rematado xa o percorrido pola historia de Roma e polo proceso de romanización da Península Ibérica, imos comezar a analizar en detalle ao longo dos seguintes temas aspectos relacionados coa sociedade, a familia, o exército, a relixión, o cómputo do tempo, as cidades, os espectáculos e diversións, e a literatura... do pobo romano.

Comecemos, pois, polo principio... e preguntémonos cómo estaba constituída a sociedade e a familia romana, cómo se formalizaba o matrimonio, qué tipo de educación recibían os nenos romanos dende as idades máis tenras, cómo vestían homes e mulleres e cómo se alimentaban.

Se picades na sección "4ºESO", atoparedes as cuestións da UNITAS 3 ás que debedes dar resposta.

CUESTIÓNS TEÓRICAS - TEMA 2 (parte II) - 4ºESO

Continuamos no Tema 2 coa historia do pobo romano durante o período republicano e achegámonos á etapa do Imperio, para rematar cun breve percorrido polo proceso de romanización da Península Ibérica. Para ver as cuestións ás que debes dar resposta, pica na sección "4ºESO".

CUESTIÓNS TEÓRICAS - TEMA 14 - 2ºBACHARELATO

Acabamos de comezar o Tema 14 do libro, adicado á ORATORIA romana, o xénero máis xenuíno e que maior influencia exerceu no pobo romano, pois os tribunais de xustiza, os debates no Senado e nas asembleas populares foron os escenarios principais que permitiron o desenvolvemento deste xénero.

Se picades na sección "2ºBACH" veredes uns cantos exemplos.

CUESTIÓNS TEÓRICAS - TEMA 2 (parte I) - 4ºESO

Continuamos cos contidos teóricos e agora imos coñecer mellor a historia de Roma. 

Nesta primeira parte, veremos a fundación da cidade e as etapas da Monarquía e da República. Para iso, deberás dar resposta ás cuestións que aparecen na sección "4ºESO".

LATÍN: CONTIDOS E CRITERIOS DE CUALIFICACIÓN - CURSO 2012/2013

Dende o Seminario de Lingua Galega e Clásicas, damos a coñecer os contidos e os criterios de cualificación que rexerán a materia de Latín en 4ºESO e Bacharelato para este curso 2012/2013.

Para poder velos, picade nas seccións "4ºESO", "1ºBACH." e "2ºBACH." que aparecen na parte superior desta páxina principal do blog.

CUESTIÓNS TEÓRICAS - TEMA 1 - 4ºESO

Comezamos a nosa andaina pola cultura e a civilización romana... Para iso, responde ás cuestións teóricas que se che propoñen sobre a LINGUA LATINA, e que se corresponden cos contidos que aparecen na UNITAS 1, entre as páxinas 5 e 14 do libro de texto.

Adiante! Atrévete a saber!

Pica na sección "4ºESO" deste blog para coñecer as cuestións ás que debes dar resposta.

CONTIGO APRENDÍN... LATÍN

Imos comezar as clases de Latín deste curso en clave humorística. Unha boa maneira de facelo é co popular dúo (antes trío) cómico "Martes y Trece", que se atreve a darnos toda unha orixinal clase de lingua latina. 

Escoitemos, pois, divirtámonos e aprendamos algo de Latín.

AVE, ROMA!

Un novo curso está por comezar e dende as páxinas deste blog anímovos, unha vez máis, a compartir e a gozar do legado que a cultura romana e a lingua latina nos deixaron como pegada na nosa vida e nas nosas linguas actuais.

Para aqueles que comezades a achegarvos a todos estes saberes, direivos que deixedes a mente aberta a todo o que Roma e o Latín vos poida ofrecer... Para os que xa comezastes a camiñar hai un ano ou dous por esas calzadas, ou paseastes polos foros, ou adorastes ás divindades nos templos, ou vos enfrontastes ás súas poderosas lexións, ou coñecestes que eran esas sonadas "declinacións" das que tanto escoitarades falar... non deixedes de facelo. Pois Roma, a "cidade eterna", a vella Roma, está aí, agardándovos un ano máis. 

ANTE DIEM OCTAVUM IDUS MARTIAE: FEMINAE DIES

Hoxe, 8 de marzo, conmemórase o Día Internacional da Muller Traballadora ou Día Internacional da Muller na loita pola súa participación, en pé de igualdade co home, na sociedade e no seu desenvolvemento integral como persoa.
A idea desta celebración xurdiu a finais do século XIX, en plena revolución industrial e durante o auxe do movemento obreiro. A celebración recolle unha loita que xa comezara na antiga Grecia e reflectida por autores, como Aristófanes na súa obra Lisístrata, cando conta como esta muller comeza unha folga sexual contra os homes para poñer fin a unha guerra, e que tamén se viu reflectida na Revolución francesa cando as mulleres parisinas pedían liberdade, igualdade e fraternidade, marchando cara Versalles para esixir o sufraxio feminino. Pero non foi ata os primeiros anos do século XX cando se comezou a proclamar, dende diferentes organizacións internacionais de esquerda, a celebración dunha xornada específica para a muller e os seus dereitos.
Con todo, para moitas de nós, traballadoras, paradas, casadas, solteiras, viúvas, divorciadas ou separadas, avoas, nais, fillas, irmás, amigas, confidentes, compañeiras...

Pero... cal era o papel da muller no antigo Imperio Romano? Que testemuños nos quedaron e chegaron ata os nosos días dela?
Poñamos un exemplo... Cando un le as inscricións funerarias romanas, o primeiro que sorprende é que, na súa meirande parte, están referidas a homes. Nada ten de estraño que unha sociedade que tiña considerada a muller nun segundo plano, incluso na morte, case se despreocupa dela. É, por iso, moito máis sorprendente e interesante que unha das máis atractivas inscricións funerarias que podemos ler sexa a dunha muller.
Cómpre supoñer que foi unha muller que destacou na súa época, no século II a.C. Debeu, incluso, ser unha muller da nobreza, porque se chamaba Claudia, que era un nome nobre, fronte ao correspondente plebeo Clodia, e ademais unha esposa exemplar. Di así o seu epitafio:

HOSPES QUOD DEICO PAVLLVM EST; ASTA AC PELLEGE

HEIC EST SEPVLCRVM HAV PVLCRVM PVLCRAI FEMINAE

NOMEN PARENTES NOMINARVNT CLAVDIAM.

SVOM MAREITVM CORDE DEILEXIT SOVO:

GNATOS DUOS CREAVIT: HORVNC ALTERVM

IN TERRA LINQVIT, ALIVM SUB TERRA LOCAT.

SERMONE LEPIDO, TVM AVTEM INCESSV COMMODO,

DOMVM SERVAVIT, LANAM FECIT. DIXI. ABEI

"Camiñante, o que digo é breve. Detente e le:
Aquí está o sepulcro non fermoso dunha muller fermosa.
Seus pais puxéronlle o nome de Claudia.
Amou o seu marido con todo o seu corazón;
Pariu dous fillos: deles, a un
déixao na terra, ao outro baixo a terra.
Foi de amable conversación, e tamén de andar comedido.
Coidou da súa casa, teceu la. Dixen. Marcha."

SABER LATÍN...

"Saber latín" no programa "Saca la lengua", emitido por La 2 de RTVE o 08/10/2011, e dedicado á pervivencia do latín na lingua española.

LATINA VESTIGIA... NO CINEMA ACTUAL: "OS IDUS DE MARZO"

No calendario romano os idus de marzo caían o día 15 do mes de Martius. Os idus eran días de bos agoiros que tiñan lugar os días 15 de marzo, maio, xullo e outubro, e os días 13 do resto dos meses.

A data é famosa porque Xulio César foi asasinado nos idus de marzo do ano 44 a.C. Segundo o escritor grego Plutarco, César fora advertido do perigo, pero ignorara a advertencia:

O máis extraordinario aínda é que un vidente lle advertira do grave perigo que o ameazaba nos idus de marzo, e ese día cando ía para o Senado, [Xulio César] chamou ao vidente e rindo díxolle: «Os idus de marzo xa están aquí»; e o vidente contestou compasivamente: «Si, pero aínda non remataron».

Plutarco

 A pesar de que o calendario romano foi substituído polos días da semana modernos arredor do século III, os idus seguiron usándose coloquialmente como referencia durante os seguintes séculos. Shakespeare na súa obra Xulio César en 1599 citábaos ao escribir a famosa frase: «Cóidate dos idus de marzo!»

Esta expresión é o título de Os idus de marzo, película do ano 2011, protagonizada e dirixida por George Clooney.

Visita a... LUCUS AUGUSTI

O pasado 14 de febreiro os alumnos de 4ºESO que cursan Latín e Cultura Clásica, xunto cos profesores que imparten esas materias, tiveron a oportunidade de achegarse á cidade de Lugo, a antiga LUCUS AUGUSTI.

A saída consistiu, pola mañá, nun breve percorrido pola Muralla romana...


... e a visita ao Centro de Interpretación da Muralla, á Casa dos Mosaicos e á Sala de Exposicións Porta Miñá.


Pola tarde, xa despois de xantar, os rapaces puxeron a proba as súas aptitudes investigadoras cun xogo de rastrexo pola cidade, que consistía en superar as seguintes probas das que vos deixamos algunhas pegadas...

O xogo AS CHAVES DE LUCUS AUGUSTI comezou desta maneira:

A ficción que podería inspirar o noso rastrexo... Os suevos achéganse a Lucus Augusti, as súas portas están abertas e desta maneira a defensa será imposible.
Cada equipo é un "contubernium", que terá como misión acadar as dez chaves que pechan as dez portas da cidade.
Para conseguirdes as chaves deberedes superar as distintas probas que se vos presentan a continuación. Cando rematedes cada un das probas, debedes quitar unha foto e levala ao posto de mando (situado na Praza do Campo), onde se vos dará a chave conseguida.
O Imperio, a súa supervivencia está nas vosas mans... Ánimo, soldados!
Para facilitarvos o labor, tedes convosco un mapa onde están marcadas as ubicacións das portas da gran muralla.

PROBA I: Porta de Santiago

Nunha das follas que levades debedes poñer o que medía orixinalmente de ancho e o que mide de alto a porta. Despois, entre todos os membros do grupo debedes facer unha construción humana e dar a metade do alto da porta. Un de vós ten que quitar unha foto na que se vexa a construción e a resposta.

PROBA II: Porta Miñá

Nunha das follas que levades debedes poñer qué tipo de arco e qué tipo de bóveda tiña a porta. Ademais, debedes pescudar qué outro nome recibe a porta e buscar unha persoa con ese nome que queira quitar unha foto con vós.

PROBA III: Porta Bispo Odoario

Nunha das follas que levades debedes poñer en qué ano se abriu esta porta e cómo se chamaba o alcalde. Dado que hoxe é o Día dos Namorados, tedes que conseguir que unha parella se abrace ao lado da porta e quitarlles unha foto.

PROBA IV: Porta Nova

Esta porta existía na época romana, era a saída da cidade cara Brigantium (Betanzos). En honor á vosa profesora de Latín debedes cos vosos corpos e coa vosa roupa "escribir" o seu nome sobre a muralla. Quitarlle unha foto. Despois, debedes entrar na porta e subir polas escaleiras á muralla. Un de vós debe quitarlle unha foto ao grupo dende abaixo.

PROBA V: Porta de San Fernando

Nunha das follas que levades debedes poñer qué pasaba na súa orixe romana polo lugar onde agora está a porta e quitarvos unha foto fronte á porta coa folla da resposta.

PROBA VI: Porta Falsa

Esta é unha das antigas portas romanas da Muralla, aínda que moi modificada. Responde ao tipo de portas que os romanos chamaban "posterulae", de uso exclusivamente militar, que se abrían asimetricamente no lenzo existente entre dúas torres. A saída era unha trincheira escavada no terreo. Para pasar a proba debedes conseguir que alguén vos quite unha foto e todos tedes que estar nas escaleiras do interior da porta a cabaliño e por parellas.

PROBA VII: Porta da Estación

Debedes quitarvos unha foto cruzando a rúa facendo un "tren".

PROBA VIII: Porta de San Pedro

Nunha das follas que levades debedes apuntar o nome que na Idade Media recibía a porta e conseguir quitarvos unha foto con, polo menos, sete persoas que pasen por alí.

PROBA IX: Porta Bispo Izquierdo

Nunha das follas que levades debedes apuntar os tres nomes que pode recibir esta porta e cánto mide a circunferencia da muralla.

PROBA X: Porta Bispo Aguirre

Nunha das follas que levades debedes poñer o ano da fundación de Lugo, quén a fundou e quén era o emperador nesa época. Debedes quitarvos unha foto e despois teredes que ir á "pata coxa" (ten que haber testemuño gráfico) ata a praza da catedral de Santa María, onde de novo vos quitaredes outra foto. Ao chegardes ao posto de control e mando, farásevos unha pregunta sobre a catedral.