Os alumnos de Latín de 4ºESO enchen os calcetíns das festas de Nadal cos mellores desexos para todos vós.
16 de dec. de 2011
7 de dec. de 2011
ROMA ISTIC EST...
Aos alumnos de Bacharelato:
CIRCO
Xa comezou a conta atrás para vivirdes unha experiencia marabillosa... Quedan poucos días e moitos de vós aterraredes na terra que foi o berce da civilización occidental e de gran parte do noso legado cultural.
Para que vaiades abrindo o apetito, aquí vos deixo algunhas imaxes das miñas viaxes á "Cidade Eterna" que paga a pena ver in situ. Si! En plural... as miñas viaxes! Porque, como di a vox populi, quen queira voltar a Roma que tire unha moeda á Fontana di Trevi e pida volver... De seguro, que se vos cumprirá o desexo.
PANTEÓN DE AGRIPA
TEMPLO DE VESTA
FORO
ARCO DE CONSTANTINO
CIRCO
TERMAS DE CARACALLA
CASTELO DE SANT'ANGELO
PRAZA DE SAN PEDRO NO VATICANO
COLISEO
3 de dec. de 2011
FELIX FAUSTUS FORTUNATUSQUE SIT CHRISTI NATALIS DIES!
Chegou decembro... e con decembro chega o frío, a escuridade... pero tamén chega o NADAL...
Hai uns anos lin un texto que lle acae moi ben a este tempo de reflexión e de recollemento. Gozade do sentido do Nadal de quen así escribiu:
O Nadal é tempo para amar, soñar, compartir, realizar os nosos desexos e ilusións. Con canta ledicia agardamos ese día para estar xuntos coa familia, cos amigos, cos seres queridos, con quen rifamos sobre o bo e o malo, o doce e o amargo, o fácil e o difícil que o pasamos durante un ano máis que xa está a marchar.
O Nadal é un espazo vital para o ser humano, xa que nestas datas o noso lado sensible cobra forza no noso interior e fainos buscar a paz espiritual. Medran en nós momentos de tenrura, momentos de ofrecer apertas, de bicar, de dar, de querer recibir...
O Nadal é reconciliación, é perdón, é dicirlle ao irmán, ao amigo, ao compañeiro, ao noivo, ao veciño, ao marido... (e a todos os que falten, tamén en feminino), que como ser humano fallei, e pedir perdón e ofrecerlle un "hoxe quero ser mellor, comezar por vencer o meu orgullo, valorarme e valorarte a ti".
O Nadal é solidariedade, leva consigo un acto humanitario, oportuno, o de poder levarlles aos nosos irmáns enfermos, eivados, desahuciados, aos que levan unha morte en vida e cos que a vida non foi tan amable, un pouco de alento, afecto, esperanza, motivación para loitar pola vida e desa maneira coñecer xuntos o verdadeiro sentido do Nadal.
O Nadal é estar en paz con Deus, é poder dicirlle "Grazas!, grazas por outro ano, por outro Nadal, pola unidade, pola humildade, pola fortaleza durante este ano de loita que remata. Grazar por facer deste Nadal o mellor e máis especial. Grazas por nos seguir amando, polo entusiasmo de continuar a carreira da vida e de comezar outro novo ano".
Hai uns anos lin un texto que lle acae moi ben a este tempo de reflexión e de recollemento. Gozade do sentido do Nadal de quen así escribiu:
O Nadal é tempo para amar, soñar, compartir, realizar os nosos desexos e ilusións. Con canta ledicia agardamos ese día para estar xuntos coa familia, cos amigos, cos seres queridos, con quen rifamos sobre o bo e o malo, o doce e o amargo, o fácil e o difícil que o pasamos durante un ano máis que xa está a marchar.
O Nadal é un espazo vital para o ser humano, xa que nestas datas o noso lado sensible cobra forza no noso interior e fainos buscar a paz espiritual. Medran en nós momentos de tenrura, momentos de ofrecer apertas, de bicar, de dar, de querer recibir...
O Nadal é reconciliación, é perdón, é dicirlle ao irmán, ao amigo, ao compañeiro, ao noivo, ao veciño, ao marido... (e a todos os que falten, tamén en feminino), que como ser humano fallei, e pedir perdón e ofrecerlle un "hoxe quero ser mellor, comezar por vencer o meu orgullo, valorarme e valorarte a ti".
O Nadal é solidariedade, leva consigo un acto humanitario, oportuno, o de poder levarlles aos nosos irmáns enfermos, eivados, desahuciados, aos que levan unha morte en vida e cos que a vida non foi tan amable, un pouco de alento, afecto, esperanza, motivación para loitar pola vida e desa maneira coñecer xuntos o verdadeiro sentido do Nadal.
O Nadal é estar en paz con Deus, é poder dicirlle "Grazas!, grazas por outro ano, por outro Nadal, pola unidade, pola humildade, pola fortaleza durante este ano de loita que remata. Grazar por facer deste Nadal o mellor e máis especial. Grazas por nos seguir amando, polo entusiasmo de continuar a carreira da vida e de comezar outro novo ano".
BO NADAL E ANINOVO 2012 !!!
ADESTE FIDELES
Adeste, fideles, laeti, triumphantes,
Venite, venite in Bethlehem:
Natum videte Regem Angelorum:
Venite adoremus, venite adoremus
Venite adoremus Dominum.
En grege relicto, humiles ad cunas,
vocatis pastores approperant.
Et nos ovanti gradu festinemus.
Venite adoremus, venite adoremus
Venite adoremus Dominum.
Aeterni Parentis splendorem aeternum,
Velatum sub carne videbimus
Delum Infantem, pannis involutum.
Venite adoremus, venite adoremus
Venite adoremus Dominum.
Pro nobis egenum et foeno cubamtem,
Piis foveamus amplexibus:
Sic nos amantem quis nos redamaret?
Venite adoremus, venite adoremus
Venite adoremus Dominum.
Tradución:
Vide fieis, gozosos, triunfantes;
vide, vide a Belén: mirade,
xa naceu o Rei dos anxos.
Vide e adorémolo, vide e adorémolo!
Vede como, deixando os seus rabaños,
uns humildes pastores se achegan.
Tamén nós celebremos gozosos a súa chegada,
vide e adorémolo!
Ao resplandor eterno do eterno Pai
agochado baixo o veo da carne
veremos a un Deus neno en cueiros envolto.
Vide e adorémolo!
Por nós fíxose pobre
e descansa sobre pallas;
démoslle cariñosos abrazos.
A quen así nos amou, quen non o amará?
Vide e adorémolo!
15 de nov. de 2011
BREVE HISTORIA DE ROMA
Para acompañar as explicacións teóricas e os exercicios realizados na aula, aquí vos deixo un vídeo sobre a fundación e a historia de Roma a longo dos seus tres grandes períodos (Monarquía, República e Imperio): historia, expansión, urbanismo, arte, ocio...
2 de nov. de 2011
NOVEMBER MMXI - SECUNDUM EXERCITIUM
O LATÍN... NA MÚSICA ACTUAL
Avete, discipuli!
Avete, discipuli!
Propóñovos unha nova actividade...
Debedes localizar unha canción en latín dentro do panorama musical moderno ou actual. Se podedes conxugar a letra en lingua latina (incluso a súa tradución ao galego, castelán, inglés...) con imaxes suxerentes, información sobre o solista ou grupo que a canta e o que nos quere dicir... moito mellor!
Ánimo! Tedes todo un mundo na rede para pescudar! E non vale repetir a canción!
Eu, pola miña parte, xa vos deixo aquí unha: TERRA FIDELIS, do grupo SOLYMA, formado por solistas masculinos cun coro de fondo (entre eles, algúns nenos).
A súa música étnica ten a capacidade de trasladarnos a Oriente en pouco tempo. A maior parte das súas letras escríbenas en varios idiomas, entre eles: latín, hebreo e turco. Eríxense actualmente como un dos estilos máis místicos da música universal, combinando coros con música moderna.
Velaquí o seu vídeoclip...
No blog co que traballamos o curso pasado na materia de latín, xa me dediquei a falar deste tema da música en latín. Daquela, atopara un grupo chamado LESIËM, un proxecto musical alemán creado en 1999 que combina elementos do rock, pop, música electrónica, new age, canto gregoriano, ... e influencias místicas e espirituais.
Déixovos aquí este vídeo coa composición FUNDAMENTUM, incluída no álbum "Mystic, Spirit, Voices", na que nos cantan a fundación de Roma, tema xa tratado neste primeiro trimestre do curso.
20 de set. de 2011
OCTOBER MMXI - PRIMUM EXERCITIUM
HOC CURSU... ELIGE TUAM LATINAM SENTENTIAM
Avete discipuli! Benvidos!
Dende os primeiros días do curso e dende as páxinas deste blog propóñovos unha actividade: Cal é a frase que vos gustaría que definise a vosa vida? Con que frase vos sentides identificados ou vos apetecería sentirvos identificados? Dádelle resposta a estas preguntas, atopando a frase, o proverbio ou a sentencia latina que mellor vos acaia e indicade a súa orixe.
Ánimo!
Aquí vos deixo tres das miñas favoritas:
Avete discipuli! Benvidos!
Dende os primeiros días do curso e dende as páxinas deste blog propóñovos unha actividade: Cal é a frase que vos gustaría que definise a vosa vida? Con que frase vos sentides identificados ou vos apetecería sentirvos identificados? Dádelle resposta a estas preguntas, atopando a frase, o proverbio ou a sentencia latina que mellor vos acaia e indicade a súa orixe.
Ánimo!
Aquí vos deixo tres das miñas favoritas:
DOCENDO DISCIMUS
("Ensinando, aprendemos" - Séneca)
NOSCE TE IPSUM
("Coñécete a ti mesmo" - máxima grega inscrita no Templo de Apolo en Delfos)
ET LUX IN TENEBRIS LUCET
("E a luz brillará na escuridade" - Biblia)
("Ensinando, aprendemos" - Séneca)
NOSCE TE IPSUM
("Coñécete a ti mesmo" - máxima grega inscrita no Templo de Apolo en Delfos)
ET LUX IN TENEBRIS LUCET
("E a luz brillará na escuridade" - Biblia)
25 de xuño de 2011
SALVETE, DISCIPULI!
É o meu desexo achegarvos a partir do curso 2011/2012 un novo recuncho dedicado ás pegadas que a cultura romana e a lingua latina teñen deixado ou estean a deixar nas nosas vidas. Anímovos a que esteades atentos ás "latina vestigia" que vos rodean e que sexades quen de compartilas con todos nós.
Quero agradecervos dende aquí o marabilloso traballo que realizastes os alumnos de Latín de 1º de Bacharelato do curso 2010/2011, por serdes os primeiros que confiastes neste proxecto e que durante moitas horas do curso contribuístes a encher o primeiro blog da materia con numerosas "latina vestigia" que iades atopando no voso día a día e nas que nunca antes repararades.
Anímovos a que o sigades a facer e que contaxiedes co voso entusiasmo aos vosos compañeiros de 4ºESO e 1º de Bacharelato, aínda inexpertos ou non tan expertos na materia.
Por todo iso, GRAZAS!
Subscribirse a:
Publicacións (Atom)